Rama përgëzon Erdogan për zgjatjen e marrëveshjes për eksportim e drithërave
Kryeministri Edi Rama ka përshëndetur vendimin për zgjatjen me dy muaj të marrëveshjes për eksportin e drithërave ukrainase përmes porteve të shtetit në Detin e Zi.
Përmes një postimi në Twitter, Rama përgëzon presidentin turk Erdogan për rolin e tij vendimtar në këtë vendim.
“Sigurimi i një furnizimi të pandërprerë jetik të drithërave në tregjet botërore është me rëndësi kritike për sigurimin e sigurisë ushqimore në mbarë botën”, shkruan ndër të tjera Rama.
I welcome the renewal of the Black Sea Grain Initiative for another two months. I reiterate my congratulations to @RTErdogan for his crucial role. Ensuring an uninterrupted vital supply of grain to the world markets is of critical importance to ensuring food security worldwide. pic.twitter.com/9rQUrPkJBh
— Edi Rama (@ediramaal) May 18, 2023
Një ditë më parë, presidenti i Turqisë, Recep Tayyip Erdogan, njoftoi se Nisma për Drithërat në Detin e Zi që mundëson eksportimin e drithërave ukrainase përmes porteve të shtetit në Detin e Zi është zgjatur edhe për dy muaj të tjerë.
“Me përpjekjet e shtetit tonë, me mbështetjen e miqve tanë rusë, dhe me kontributin e miqve tanë ukrainas, është vendosur që të shtyhet marrëveshja për drithërat edhe për dy muaj”, njoftoi Erdogan një ditë para se të skadonte marrëveshja.
