Kërcënohemi nga një fatkeqësi humanitare

Luftimet e ashpra midis ushtrisë sudaneze dhe Forcave paraushtarake të Mbështetjes së Shpejtë (RSF) vazhduan sot në qendër të Khartoum.

Bombardime të rënda janë regjistruar edhe në qytetet fqinje Omdurman dhe Bahri, raporton Reuters.

Kombet e Bashkuara kanë ushtruar dje presion shtesë mbi palët në konflikt për të garantuar kalimin e sigurt të ndihmave humanitare pas grabitjes së gjashtë kamionëve.

Shefi i ndihmës i OKB-së, Martin Griffiths tha se shpresonte të kishte takime me RSF-në dhe ushtrinë sudaneze brenda dy deri në tre ditë për të marrë garanci prej tyre se kolona do të kalonte.

Kombet e Bashkuara paralajmëruan se luftimet midis ushtrisë dhe RSF-së, të cilat shpërthyen më 15 prill, mund të shkaktojnë një fatkeqësi humanitare që mund të përhapet në vende të tjera.

Deri më tani, 550 persona kanë vdekur në konflikte dhe gati 5000 janë plagosur. Në të njëjtën kohë, rreth 100,000 njerëz janë larguar nga Sudani që nga fillimi i konfliktit.

LEXONI GJITHASHTU: