Ja shkeljet që janë bërë
Indrit Hoxha, kandidati i koalicionit “Bashkë fitojmë” për Bashkinë e Vorës, ishte i ftuar këtë të martë në Euronews Albania për të folur rreth një denoncimi që ai ka bërë mëngjesin e sotëm në SPAK.
Ai ka bërë një kallëzim penal për një tender 2.3 milionë euro për bashkinë e Vorës. Hoxha tha se SPAK duhet të shkojë sa më shpejtë në Bashkinë e Vorës pasi nëse sot ky tender i rëndon qytetarët me 2.3 milionë euro, shumë shpejtë do shkojë 14 milionë euro.
“Ka dy probleme, e para mënyra se si është bërë prokurimi publik, është bërë pa shpallje, ka vetëm një firmë dhe fituesi është me çmimin maksimal të procedurës. E dyta është zbatimit, sepse shkelje ka edhe në zbatim. Nuk ekziston fare si punë e zbatueshme në Bashkinë e Vorës kjo procedurë tenderimi e cila i rëndon qytetarët 2.3 milionë euro. SPAK duhet t’i drejtohet Bashkisë së Vorës të sekuestrojë dokumentacionin, të shikojë se si është bërë procedura.
Në shkeljet ligjore i kemi në kallëzimin penal, ekspertët tanë kanë gjetur çdo shkelje që është bërë për këtë procedurë. I kemi depozituar sot pranë Prokurorisë së Posaçme, tashmë është detyrë e saj të bëjë verifikimet e tjera. Se kjo nis me 2.4, por do përfundojnë më 14 milionë euro. Ky është kallëzimi i parë, por janë edhe 9 procedura të tjera”,-tha Indrit Hoxha.
I pyetur nëse këto denoncime do vazhdojë t’i ndjekë edhe pas 14 majit, në rast se nuk fiton zgjedhjet ai tha se denoncimet nuk kanë lidhje fare me fushatën.
“Këto denoncime nuk kanë lidhje me fushatën. Jo vetëm që do i ndjek po do i vazhdojë edhe më thellë në Bashkinë e Vorës”,-tha për Euronews Albania Indrit Hoxha.
LEXONI GJITHASHTU:
